Cebuano News: DENR temporary nga misira sa Choco Hills, 15 protected areas

TAGBILARAN CITY, Bohol, March 26 (PIA) -- Temporaryo nga gipasira una sa Department of Environment and Natural Resources (DENR) ang pagsuroy ug mga kalihukan sa labing nindot nga natural nga talan-awon sa Bohol didto sa Chocolate Hills ug 16 pa ka lugar nga ilawon sa pagpanalipod sa kagamhanan ubos sa ahensya.

Kini subay usab sa pagpaningkamot nga ang Bohol makahikaw sa pagpasulod sa gika-intapan nga kagaw nga karon maoy labing daku nga hulga sa tibuok kalibutan nga kinaingnan sa coronavirus disease 2019 (COVID-19).

Ang temporary nga pagsira nagsuod sa Marso 18 ug molanat pa nagdto sa Marso 31, segun sa notice to the public nga gipagawas ni Bohol Provincial Environment and Natural Resources Officer (PENRO) Charlie Fabre.

DILI NA PAPUNDOHAN OG DUGAY. Bisan ang manmade Forest sa Bilar dili na usab papundohan og mga tawo dala sa mandu sa social distancing samtang ang hulga sa COVID nagpabilin pa. Sirado pa ang ecotourism activities sa Bohol dala niini. (rahc/PIA-7/Bohol) 

Gawas sa Chocolate Hills Natural Monuments diin tua didto ang viewdeck nga may labing nindot nga talan-awon sa libo-an ka bungtod, lakip na usab nga gipasirad-an mao ang mga eco-tourism nga kalihukan sa Rajah Sikatuna Protected Landscape, Chocolate Hills Natural Monuments, Loboc Watershed Forest Reserve, Alejawan-Cansulay-Anibongan River Watershed and Forest Reserve.

Alburquerque-Loay-Loboc Protected Landscape and Seascapes, Panglao Island Protected Seascape, Cabilao and Sandingan Island Mangrove Swamp Forest Reserve, Pangangan Island Mangrove Swamp Forest Reserve, Tubigon group of islets and Wilderness Areas, Clarin group of islates and Wilderness Areas.

Inabanga-Buenavista Mangrove Swamp Forest Reserve and Wilderness Areas, Getafe mangro Swamp ForestReserve and Wilderness Area, Ubay Mangrove Forest Reserve, Talibon group of Islands Protected Landscape.

Candijay-Anda-Mabini Mangrove Swamp Forest Reserve and Wilderness Area and President Carlos P. Garcia Mangrove Swamp Forest Reserve and Wilderness Area. 

Matud ni Fabre, ang temporary nga pagsira, subay sa Presidential proclamation 922 nga gipagawas ni Presidente Rodrigo Roa Duterte samtang iyang gideklara ang state of national health emergency sa tibuok nasud.

Ang outbreak sa COVID-19 nagpahimo na nga emergency nga naghulga sa nasudnon nga seguridad ilabi na kay giangkon na sa Department of ang una nga local nga pagtakud-takud sa sakit bisan kon ang kagaw nagagikan sa Wuhan Province sa mainland China.

Giingon nga dali lang ipanakod pinaagi sa kagaw nga moluwan sa laway sa pag-ubo ug pangatsi sa usa  ka pasyente sa COVID, ang kagaw naka-aghat usab sa mga labing batid nga siyentipiko sa pagpangita og bakuna batok niini.

Una na usab nga gipugngan sa kagamhanan ang mga pagtapoktapok sa tawo aron kamenosan ang posibilidad nga magtakdanay ang tanan.

Ang temporary nga pagsira sa eco-tourism activities nahadungan na usab sa mas paspas pa nga pagkatag sa sakit nga nakapakurog sa 172 na ka nasud nga apektado niini. (rahc/PIA-7/Bohol)

source https://pia.gov.ph/news/articles/1037218