ILIGAN CITY, Marso 23 — Sugod Marso 19, gipatuman sa syudad sa Iligan ang pipila ka mga mando sa lokal nga kagamhanan labi na ang pagdili sa pagpasulod sa mga pasahero o mga kargamento sa pantalan sa Iligan.
"Walay pampasahero o pang kargamento nga sakyanan pang dagat ang mo-dunggo o magpabilin sa pantalan sa Iligan aron mokarga o magdiskarga sa mga kargamento o pasahero,” sumala sa nakalatid diha sa Executive Order No. 30.
‘Exempted’ niini ang mga ‘cargo vessels’ ug mga sakyanan nga nag dala sa gamit sama sa pagkaon, suplay sa medisina, building materials, ug uban pa.
Gitugutan usab sa pagsakay o pag transport ang mga miyembro sa Philippine National Police, Philippine Army, Marines, Air Force, Fire Department, medical personnel, Philippine Red Cross ug uban pang ‘accredited’ nga mga grupo.
Gi-isyu kini nga Executive Order 30 aron maminusan ang peligro sa pagkaylap sa coronavirus disease 2019 (COVID-19).
Ang City Health Office nag report nga niadtong Marso 17, dunay 169 ka mga indibidwal ang giila nga Persons Under Monitor (PUM), samtang 10 ka mga tawo nakalista sa Person Under Investigation (PUI). (ZDJagudilla/PIA Bukidnon)
source https://pia.gov.ph/news/articles/1036837
0 Comments
Please note: Your comment may or may not appear immediately. Please do not submit it twice! Certain words may trigger a spam filtering delay. Please refrain from profanity; inappropriate comments may be deleted by the author's sole discretion.