MARAWI CITY, Marso 23 (PIA) -Ang National Housing Authority-Marawi Project Management Office (NHA-MPMO) nagpahigayon ug kampanya batok sa Coronavirus (COVID-19) alang niadtong mga naa pa sa temporaryo nga puloy-anan sa barangay Rorogagus, Boganga ug Sagonsongan, Marawi City.
Tumong sa kampanya ang paghatag ug kahibalo kanila ilabi na sa mga inahan nga mamahimong tingog sa komunidad pagbatok sa COVID-19. Kini alayon sa kasaulogan sa 'Women's Month' matud ni Aisah Marhobsalic, ang Senior Resettlement and Development Officer.
Gitutokan sa maong kampanya ang pagtudlo sa insaktong paghugas sa kamot gamit ang sabon o alcohol aron maminusan ang pagkaylap sa COVID-19 nga kagaw.
Ang NHA padayon karon sa pagpanghatag ug "information materials" aron mahibal-an sa katawhan kung unsaon pag paglikay sa pagkaylap sa COVID-19.
Sa pagkakaron ang NHA nagpadayon sa paghatag ug supply sa tubig ngadto sa internally displaced persons (IDPs) sa barangay Rorogagus ug Boganga transitory shelters.
Si President Rodrigo Roa Duterte mipirma na sa proklamasyon nga nagdeklara nga ang Pilipinas anaa na sa 'health emergency' aron nga makontrol ang pagkaylap niining kuyaw nga matang sa sakit nga ginganlan ug COVID-19. (ZDJagudilla/PIA-Bukidnon)
source https://pia.gov.ph/news/articles/1036840
0 Comments
Please note: Your comment may or may not appear immediately. Please do not submit it twice! Certain words may trigger a spam filtering delay. Please refrain from profanity; inappropriate comments may be deleted by the author's sole discretion.